पुणे येथे लहान मुलांना मोठ्या प्रमाणावर ‘ ओडिनो’ या विषाणूची लागण !
लहान मुलांना संसर्ग होण्‍याचे प्रमाण वाढले
पुणे – ताप येणे, घसा खवखवणे, डोळे लाल होणे, सर्दी, खोकला, जुलाब होणे या प्रकारचा त्रास लहान मुलांना होण्‍याचे प्रमाण वाढले आहे. ही सर्व लक्षणे ‘ओडिनो’ या विषाणूची असून गेल्‍या ३ वर्षांच्‍या तुलनेत यंदा लहान मुलांना या विषाणूचा संसर्ग होण्‍याचे प्रमाण ७० टक्‍क्‍यांनी वाढल्‍याचे निरीक्षण बालरोगतज्ञांनी नोंदवले आहे. १० वर्षांपर्यंतच्‍या मुलांना या विषाणूची लागण होत आहे.
Surge in fast-spreading adenovirus infection among schoolkids in Pune https://t.co/FFZ27fWKUV
— TOI Pune (@TOIPune) February 4, 2023
‘ओडिनो’ विषाणूसह सध्‍या लहान मुलांना ‘राईनो’ आणि ‘स्‍वाईन फ्‍ल्‍यू’ (एच् १ एन् १) या विषाणूचाही संसर्ग होत आहे. ‘ओडिनो’हा आजार जीवघेणा नसून आजाराची लक्षणे पूर्णत: निघून जाण्‍यास किमान ७ दिवसांचा अवधी लागतो. हा विषाणू सामान्‍यत: संक्रमित व्‍यक्‍तीच्‍या संपर्कात आल्‍याने पसरत आहे.