निधर्मीवाद्यांच्या विरोधानंतर ‘एयरो इंडिया २०२३’मधील विमानावरील हनुमानाचे चित्र हटवले !

बेंगळुरू (कर्नाटक) – हिंदुस्थान एयरोनॉटिक्स लिमिटेड (एच्.ए.एल्) या सरकारी आस्थापनाने येथे ‘एयरो इंडिया २०२३’ नावाने ‘एअर शो’ (हवाई कवायती) आयोजित केला आहे. यामध्ये काही विमानांचे प्रदर्शन भरवण्यात आले आहे. यात ‘एच्.एल्.एफ्.टी-४२’ हे लढाऊ विमानांचे प्रशिक्षण देण्यासाठी बनवण्यात आलेले विमान ठेवण्यात आले होते. त्याच्या मागच्या भागावर श्री हनुमानाचे आघात करण्याच्या मुद्रेतील चित्र रेखाटण्यात आले होते. यावरून कौतुकही होत असतांना आता अचानक हे चित्र विमानावरून काढून टाकण्यात आले आहे. हे विमान स्वदेशी बनावटीचे आहे.

The Hindustan Aeronautics Limited removed the signage of Lord Hanuman from the vertical fin of Hindustan Lead in Fighter Trainer (HLFT)-42, which was on display at the #AeroIndia 2023 in #Bengaluruhttps://t.co/15m1PyMXfS

— Hindustan Times (@htTweets) February 14, 2023

१. विमानावर हनुमानाचे चित्र लावण्यात आल्याचे समजल्यावर सामाजिक माध्यमांतून यांवर टीका होऊ लागली. ‘भारत धर्मनिरपेक्ष देश आहे’, असे सांगत याला विरोध होऊ लागला. त्यामुळेच ते चित्र काढण्यात आल्याचे म्हटले जात आहे. याविषयी अधिकृत कोणतीही माहिती देण्यात आलेली नाही.

२. जेव्हा हे चित्र लावण्यात आले, तेव्हा या आस्थापनाकडून सांगण्यात आले होते की, हे विमान हनुमानाच्या शक्तीपासून प्रेरणा घेऊन बनवण्यात आले आहे. यापूर्वी प्रशिक्षणासाठी विमान बनवण्यात आले होते, तेव्हाचे त्याचे नाव ‘मारूत’ ठेवण्यात आले होते. याचा अर्थ मारुति म्हणजे पवनदेव आणि त्यांचे पुत्र हनुमान. विमानावर हनुमानाचे चित्र रेखाटण्याची आमची जुनी परंपरा आहे आणि त्याला पुढे चालवले आहेत.

Aero-India 2023: HAL removes picture of Lord Hanuman from HLFT-42 fighter aircraft

Read: https://t.co/0UwtvPuXvo#HAL #AeroIndiaShow2023 #AeroIndia23 pic.twitter.com/nDPMteDIPC

— editorji (@editorji) February 14, 2023