प्रभु, मज सदा तव चरणांशी घ्यावे ।

सर्व साधकांचा आधार असलेले सच्चिदानंद परब्रह्म डॉ. आठवले !

तव सामोरी माझे
मीपण विसरावे ।
तव चरणांशी एकरूप मन व्हावे ।
भक्तासी या भक्तीचे वर द्यावे ।
प्रभु, मज सदा तव चरणांशी घ्यावे ।। १ ।।

काया-वाचा-मन
तव चरणी लीन रहावे ।
पंचप्राणांचे आरतीपुष्प
सदा अर्पित असावे ।
श्वासानेही तुमचेच गुणगान गावे ।
प्रभु, मज सदा तव चरणांशी घ्यावे ।। २ ।।

गुरुदेव, आले शरण, चरणी मज घ्यावे ।
मोक्षाच्या मार्गावरती मज न्यावे ।
मनमंदिरी म्या नित्य तुम्हा ध्यावे ।
प्रभु, मज सदा तव चरणांशी घ्यावे ।। ३ ।।

चराचरी देवा, तुजला पहावे ।
मन माझे तुझ्यात हरपूनी जावे ।
सतत मी तुझेच स्मरण करावे ।
प्रभु, मज सदा तव चरणांशी घ्यावे ।। ४ ।।

– कु. सायली देशपांडे (आध्यात्मिक पातळी ६१ टक्के, वय १४ वर्षे), सनातन आश्रम, रामनाथी, गोवा. (७.११.२०२२)