मी असे शिक्षण स्वीकारू शकत नाही, जिथे माझी आई आणि मुलगी शिकू शकत नाही !

काबुलमधील प्राध्यापकाने तालिबानच्या महिलाविरोधी धोरणांवर ओढले आसूड !

लंडन (युनायटेड किंगडम) – अफगाणिस्तानच्या काबुल विश्वविद्यालयातील एका प्राध्यापकाने तेथील वृत्तवाहिनीवर झालेल्या चर्चासत्रातच तेथे उपस्थित प्रशासकीय अधिकार्‍यांना धारेवर धरले. तालिबानच्या महिलाविरोधी धोरणांवर आसूड ओढत हे प्राध्यापक म्हणाले, ‘‘अफगाणिस्तान हे शिक्षणाचे स्थान असू शकत नाही. त्यामुळे मी येथे उपस्थित सर्व प्रशासकीय अधिकार्‍यांचा निषेध करतो. आम्हाला त्यांची आवश्यकता नाही. मी असे शिक्षण स्वीकारू शकत नाही, जिथे माझी आई आणि मुलगी शिकू शकत नाहीत !’’ याचा व्हिडिओ सामाजिक माध्यमांवरून मोठ्या प्रमाणात प्रसारित झाला असून लंडन येथील ‘कन्झर्वेटिव्ह फ्रेंड्स ऑफ अफगाणिस्तान’ या संस्थेच्या कार्यकारी संचालिका शबनम नासिमी यांनीही हा व्हिडिओ ट्वीट केला.

Astonishing scenes as a Kabul university professor destroys his diplomas on live TV in Afghanistan —

“From today I don’t need these diplomas anymore because this country is no place for an education. If my sister & my mother can’t study, then I DON’T accept this education.” pic.twitter.com/cTZrpmAuL6

— Shabnam Nasimi (@NasimiShabnam) December 27, 2022

तालिबान सरकारने महिलांवर कठोर नियम लागू केले आहेत. गेल्याच आठवड्यात तालिबानने महिलांनी विद्यापिठात उच्चशिक्षण घेण्यावर बंदी लादली आहे.