लव्ह जिहाद रोखण्यासाठी विशेष पोलीस पथकाची स्थापना करा ! – कर्नाटकात हिंदूंची एकमुखी मागणी

• कर्नाटक विधान सौधसमोर हिंदु राष्ट्र-जागृती आंदोलन

• ‘हलाल प्रमाणपत्र’ रहित करण्याचीही मागणी

बेळगाव (कर्नाटक) – राज्यात वाढणार्‍या ‘लव्ह जिहाद’च्या घटनांच्या पार्श्‍वभूमीवर उत्तरप्रदेशच्या धर्तीवर ‘लव्ह जिहाद’ विरोधी विशेष पोलीस पथकाची स्थापना करावी, अशी मागणी येथे विधान सौधसमोर आयोजित हिंदु राष्ट्र-जागृती आंदोलनात करण्यात आली. यासह ‘हलाल प्रमाणपत्र’ रहित करण्याचीही मागणी या वेळी करण्यात आली. आंदोलनानंतर कर्नाटकचे गृहमंत्री अरग ज्ञानेंद्र यांना निवेदन देण्यात आले.

🚩 Hindu Rashtra Jagruti Andolan held in Belagavi, by Hindu Janajagruti Samiti and Pro Hindu organisations demanding Ban on ‘Halal Certificate’ and set up of ‘Anti Love Jihad Police Force’

Memorandum submitted to @JnanendraAraga Hon Home Minister Karnataka by @Mohan_HJS & others pic.twitter.com/no2GGM5sRx

— HJS Karnataka (@HJSKarnataka) December 24, 2022

५ वर्षांत कर्नाटक राज्यात २१ सहस्र युवती बेपत्ता ! – मोहन गौडा, कर्नाटक राज्य प्रवक्ते, हिंदु जनजागृती समिती

या वेळी श्री. मोहन गौडा म्हणाले, ‘‘देहलीचा जिहादी आफताबने श्रद्धाची हत्या करून तिचे ३५ तुकडे केले. असेच प्रकार राज्यात घडत आहेत. कर्नाटकात धर्मांतरविरोधी कायदा असूनही त्याचा विशेष उपयोग होत नाही. लव्ह जिहादच्या माध्यमातून धर्मांतर वाढले आहे. वर्ष २०१४ ते २०१९ या कालावधीत एकट्या कर्नाटक राज्यात २१ सहस्र युवती बेपत्ता झाल्या आहेत. अनेक मौलवी आणि मदरसे हे धर्मांतराच्या कुकृत्यांत गुंतले आहेत. हे रोखण्यासाठी उत्तरप्रदेशाच्या धर्तीवर लव्ह जिहादविरोधी विशेष पोलीस पथकाची स्थापना करावी. राज्यात उत्पादनांवर अनधिकृतपणे ‘हलाल लोगो’ असलेले प्रमाणपत्र छापून त्याद्वारे सहस्रो कोटी रुपये मिळवून धर्मांध संघटना त्याचा देशविरोधी कारवायांसाठी वापर करत आहेत. तरी याविषयी अन्वेषण करून हलाल प्रमाणपत्र रहित करणारा कायदा हिवाळी अधिवेशनात पारित करावा.’’
या प्रसंगी विविध हिंदुत्वनिष्ठ संघटनांचे पदाधिकारी, महिला पदाधिकारी, कार्यकर्त्या यांनी त्यांचे मनोगत व्यक्त केले.

या आंदोलनात श्रीराम सेना जिल्हा कार्याध्यक्ष श्री. विनय अंगरोळी, श्रीराम सेना उत्तर कर्नाटक जिल्हाध्यक्ष श्री. रवी कोकीतकर, भाजप ग्रामीण सचिव श्री. पंकज घाडी, हिंदु राष्ट्र सेनेचे श्री. बाळू कुरबर, भाजपच्या सविता हेब्बार, ‘हमारा देश संघटने’च्या मिना काकतकर, ‘एंजेल फाऊंडेशन’च्या अनुष्का पवार, राष्ट्रीय स्वयंसेवक संघाच्या आकांक्षा मागणावर, ‘आर्ट ऑफ लिव्हिंग’च्या आकांक्षा कुलकर्णी, हिंदुत्वनिष्ठ श्री. मारुति सुतार, कर्तव्य महिला मंडळाच्या सौ. अक्काताई सुतार आणि सौ. मीलन पवार, यांसह विविध हिंदुत्वनिष्ठ संघटना आणि महिला मंडळ याचे कार्यकर्ते, हिंदुत्वनिष्ठ, धर्मप्रेमी अशा १५५ हून अधिक जणांनी आंदोलनात सहभाग घेतला होता.