भारत विकसित करत असलेल्या इराणमधील चाबाहार बंदराला तालिबानचे समर्थन !
सुरक्षा आणि सुविधा पुरवण्याचे आश्‍वासन !
काबुल (अफगाणिस्तान) – अफगाणिस्तानच्या तालिबान सरकारने प्रथमच भारताचे समर्थन केले आहे. भारताकडून इराणमधील चाबाहार बंदर व्यापारनिमित्त विकसित करण्यात येत आहे. याचे तालिबान सरकारने समर्थन केले आहे. ‘भारताला या बंदरातून व्यापार करण्यासाठी आम्ही सर्व प्रकारच्या सुविधा आणि सुरक्षा पुरवू’, असे सांगत चाबाहार बंदराला ‘उत्तर-दक्षिण आंतरराष्ट्रीय ट्रान्सपोर्ट कॉरिडोर’मध्ये सहभागी करण्याचेही तालिबानने स्वागत केले आहे.
The Taliban regime in Afghanistan have backed the use of the India-built #Chabahar port in Iran and said that it is ready to provide all the necessary “facilities”
Written By: @sidhant https://t.co/25hlUyyLqN
— WION (@WIONews) December 9, 2022
विशेष म्हणजे पाकिस्तानकडून या बंदराच्या संदर्भात भारताचा विरोध केला जात असतांना तालिबानने हे समर्थन दिले आहे. ‘उत्तर दक्षिण आंतरराष्ट्रीय ट्रान्सपोर्ट कॉरिडोर’ भारताची आर्थिक राजधानी मुंबईला रशियाची राजधानी मास्को शहराशी जोडतो. हा मार्ग इराण आणि रशियाच्या जवळ असलेल्या अझरबैझान देशांतून जातो.