नागपूर विद्यापिठात ‘प्रजापिता ब्रह्माकुमारी ईश्‍वरी विद्यालया’ची ‘मन व्यवस्थापना’च्या अभ्यासक्रमासाठी निवड !

नागपूर – येथील राष्ट्रसंत तुकडोजी महाराज नागपूर विद्यापिठाने आता मानसशास्त्रीय अभ्यासक्रमाच्या कक्षेत मोडणार्‍या ‘मन व्यवस्थापन’ विषयाचे धडे देण्यासाठी ईश्‍वरी शक्तीवर विश्‍वास ठेवणार्‍या ‘प्रजापिता ब्रह्माकुमारी ईश्‍वरीय विश्‍वविद्यालया’ची निवड केली आहे. विद्यापिठाच्या इतिहास विभागाने ‘मन व्यवस्थापन’ या विषयावर १० दिवसांचा प्रमाणपत्र अभ्यासक्रम चालू केला आहे. यासाठी ५० रुपये भरून विद्यार्थ्यांना नोंदणी करायची आहे. (‘मन व्यवस्थापना’च्या अभ्यासक्रमाचे धडे देण्यासाठी प्रजापिता ब्रह्माकुमारी विद्यालयाची निवड केल्याविषयी राष्ट्रसंत तुकडोजी महाराज नागपूर विद्यापिठाचे अभिनंदन ! मॅकोले शिक्षणपद्धतीचा अवलंब करण्याऐवजी भारतातील आध्यात्मिक संस्थांच्या विश्‍वविद्यालयांचे विषय विद्यापिठात ठेवल्यास त्याचा विद्यार्थ्यांना आयुष्यात लाभ होऊ शकतो ! – संपादक)