काय वर्णू मी उपकार गुरुराया ।

सर्व साधकांचा आधार असलेले सच्चिदानंद परब्रह्म डॉ. आठवले !

काय वर्णू मी उपकार गुरुराया ।
कसे फेडू ऋण तुझे गुरुराया ।। धृ.।।

विष्णूचा अवतार असूनी न सांगे कुणा ।
कर्तेपणा स्वतः न घेतो माझा गुरुराया ।। १ ।।

आगमन तव झाले धर्मस्थापनेसाठी ।
तळमळीचे तू मूर्तीमंत रूप असशी ।। २ ।।

अमृत महोत्सवी झाला श्रद्धापूर्व स्तुतीसुमनांचा वर्षाव ।
न होई चित्त विचलित मुखकमलावरी साक्षीभाव ।। ३ ।।

योगक्षेम वहासी भाव वाढवी साधकांचा ।
अनुभूती देऊन साधकांना रक्षसी सदा ।। ४ ।।

ज्ञान देऊनी घडवसी साधकां ।
जसा जीव कि प्राण ।। ५ ।।

जसे दगडातून देवपण, तसे साधकांना संतपण ।
परि नामानिराळा रहासी माझा गुरुराया ।। ६ ।।

सर्व विषयांचे लिखाण करूनी ।
हिंदु राष्ट्राचा पाईक करण्या ।
स्थूल-सूक्ष्माचा करसी अभ्यास ।
प्रत्यक्ष कृतीचा असे प्रयास ।। ७ ।।

तुझ्यासम नसे कोण अन् न होणे कोण ।
काय नाते आम्हासंगे न जाणे कोण ।। ८ ।।

दर्शन देसी याची देही याची डोळा ।
वर्णन करण्या नसे वाणी ।
माझ्या गुरुराया, माझ्या गुरुराया अन् माझ्या गुरुराया ।। ९ ।।

– श्री. सुभाष स. राणे, मु. कात्रादेवी, ता. राजापूर, जि. रत्नागिरी. (वर्ष २०१८)