(म्हणे) ‘स्वातंत्र्यवीर सावरकर हे इंग्रजांसाठी काँग्रेसच्या विरोधात काम करायचे !’

काँग्रेसचे नेते राहुल गांधी यांचे ‘भारत जोडो’ यात्रेत सावरकद्वेषी विधान

वाशिम – ‘स्वातंत्र्यवीर सावरकर हे इंग्रजांसाठी काँग्रेसच्या विरोधात काम करायचे, असे सावरकरद्वेषी विधान काँग्रेसचे नेते राहुल गांधी यांनी केले. वाशिम येथे ‘भारत जोडो’ यात्रेत ते बोलत होते. गांधी यांच्या या विधानावरून त्यांच्यावर राज्यभरातून टीका केली जात आहे. अनेक हिंदुत्वनिष्ठ संघटना, तसेच सावरकरप्रेमी यांनीही गांधी यांचा निषेध केला आहे.

#RahulGandhi faces flak from ally and rivals over remarks on #Savarkar

Read: https://t.co/M2hFuoLoh9 pic.twitter.com/vrMaulBcgn

— The Times Of India (@timesofindia) November 17, 2022

(म्हणे) ‘सावरकरांविषयी मी सत्य तेच बोललो, त्यात चुकीचे काय ?’ – राहुल गांधी, नेते, काँग्रेस

स्वतःवरील टीकेविषयी प्रतिक्रिया व्यक्त करतांना १७ नोव्हेंबर या दिवशी अकोल्यातील चानी फाटा वाडेगाव येथे आयोजित पत्रकार परिषदेत राहुल गांधी म्हणाले, ‘‘स्वातंत्र्यवीर सावरकर यांच्याविषयी मी जे वक्तव्य केले होते, त्यात चुकीचे काहीच नाही. जे ऐतिहासिक सत्य आहे, तेच मी मांडले. स्वातंत्र्यवीर सावरकरांनी इंग्रजांना क्षमेचे पत्र लिहिले होते, यावर मी ठाम आहे.’’ (खोटे बोल; पण रेटून बोल, या वृत्तीचे काँग्रेसचे नेते राहुल गांधी ! – संपादक) या वेळी गांधी यांनी सावरकरांनी ब्रिटीश सरकारला लिहिलेल्या पत्रातील काही ओळी वाचून दाखवल्या. ‘सावरकरांनी त्यांच्या पत्रात इंग्रजांना उद्देशून ‘सर मै आपका नौकर रहना चाहता हूँ ।’ असे लिहिले आहे. या पत्राखाली वीर सावरकर यांची स्वाक्षरीही आहे. यानंतर सावरकरांनी मोहनदास गांधी आणि सरदार पटेल यांनाही अशी स्वाक्षरी करण्यास सांगितले होते. सावरकरांनी सर्व देशासह तेव्हा स्वातंत्र्यलढ्यात असलेल्या काँग्रेसशी विश्‍वासघात केला’, अशी गरळओकही त्यांनी या वेळी केली.

गांधी पुढे म्हणाले की, मोहनदास गांधी, पंडित नेहरू आणि सरदार वल्लभभाई पटेल यांनाही इंग्रजांनी अनेक वर्षे कारागृहात डांबले होते; पण त्यांनी कधी ब्रिटीश सरकारला पत्र लिहून स्वतःची सुटका करून घेतली नाही. हा या २ विचारधारांतील फरक आहे. (खोटी वक्तव्ये करून जनतेची दिशाभूल करणार्‍या राहुल गांधी यांची कीव करावीशी वाटते ! – संपादक) ‘हे पत्र राज्याचे उपमुख्यमंत्री देवेंद्र फडणवीस आणि डॉ. मोहन भागवत यांनाही दाखवा’, असेही त्यांनी सांगितले.