कल्याण येथे १७ लाख ८ सहस्र रुपयांची वीजचोरी !
२ मुसलमानांच्या विरुद्ध गुन्हा नोंद
ठाणे – कल्याण पश्चिम विभागात ॲल्युमिनियम फ्रेम कोटिंग (अनोडायझिंग) करणार्‍या औद्योगिक ग्राहकाने १७ लाख ८ सहस्र रुपयांची वीजचोरी केली. महावितरण आस्थापनाच्या पथकाने केलेल्या कारवाईत हे उघड झाले आहे. तो मागील वर्षभरापासून न्यूट्रल नियंत्रणाद्वारे वीजमीटरचा ‘डिस्प्ले’ बंद करून वीजचोरी करत होता. त्याला ४ लाख ८० सहस्र रुपयांचा दंड ठोठावण्यात आला आहे. वीजचोरीचे देयक आणि दंडाची रक्कम न भरल्याने जुमीन निजामुद्दीन जलाल या औद्योगिक ग्राहकासह वीज वापरकर्ता मोहम्मद फैजल फारुकी याच्या विरोधात पोलीस ठाण्यात गुन्हा नोंद करण्यात आला आहे. (लोकसंख्येत अल्पसंख्यांक असलेले मुसलमान गुन्हेगारीत मात्र बहुसंख्यांक ! – संपादक)