ब्रिटनच्या संसदेच्या परिसरात मेणबत्त्या पेटवून आणि प्रार्थना म्हणून साजरी झाली दिवाळी !
लंडन (ब्रिटन) – प्रतिवर्षी प्रमाणे यावर्षीही ब्रिटनच्या संसदेच्या परिसरात इस्कॉन मंदिराच्या पुजार्‍यांनी मेणबत्त्या पेटवून आणि प्रार्थना करून दिवाळी साजरी केली. (मेणबत्तीऐवजी पणत्या लावल्या, तर त्याचा आध्यात्मिक स्तरावर अधिक लाभ होतो ! – संपादक) वेस्टमिंस्टर पॅलेसजवळील सभापतींच्या शासकीय कक्षामध्ये आयोजित दिवाळी कार्यक्रमामध्ये विविध राजकीय पक्षांचे नेते आणि इस्कॉनचे प्रतिनिधी सहभागी झाले होते.
The British Parliament in London celebrates Diwali with prayers and candles#Diwali2022 #HappyDiwali #British #London #Diwali #Trending #viral https://t.co/lFjHImQ1P2
— Daily News Broadcast (@DNB_ind) October 18, 2022
या वेळी हाऊस ऑफ कॉमन्सचे अध्यक्ष सर लिंडसे हॉयल यांनी म्हटले की, मी जगातील सर्व समुदायांना दिवाळी शांततेत आणि आनंदाने साजरी करण्याची कामना करतो.