‘परात्पर गुरु डॉ. आठवले यांचे छायाचित्रमय जीवनदर्शन’ हा ग्रंथ पहातांना आधुनिक वैद्या (सौ.) मधुवंती चारुदत्त पिंगळे यांना स्फुरलेल्या कविता !
सर्व साधकांचा आधार असलेले सच्चिदानंद परब्रह्म डॉ. आठवले !
‘परात्पर गुरु डॉ. जयंत आठवले यांचे छायाचित्रमय जीवनदर्शन खंड – १’ या ग्रंथातील छायाचित्रे पहातांना ‘साधकांच्या ठिकाणी मीच आहे’, असे अनुभवत होते. तेव्हा माझा गुरुदेवांशी संवाद चालू झाला. त्यांच्याच कृपेने मला सुचलेल्या भावओळी पुढे दिल्या आहेत.
धन्य जाहलो आपुल्या दर्शने ।
तुम्हीच जगाचे नियंता । तुम्हीच आमुचे त्राता ।।
तुम्ही असता संगती (सोबती) ।
आम्हा काय कुणाची भीती ।। १ ।।
तुम्हीच दिली शक्ती । भोगण्या प्रारब्ध आमुचे ।।
संकटकाळीही अनुभवली आम्ही ।
क्षणोक्षणी आपुली प्रीती ।। २ ।।
निःशब्द झाली मने । धन्य जाहलो आपुल्या दर्शने ।।
बोल माऊलीचे कानी पडता ।
कृतार्थ झालो जीवनी ।। ३ ।।
कृपाकटाक्षाने तुझ्या, उद्धार माझा झाला ।
किती जन्मांचे पुण्य फळा आले ।
अन् गुरुचरणांशी स्थान मिळाले ।
आता दुजी आस न राहो ।
या चरणांमध्ये विलीन व्हावे ।। १ ।।
पावन झालो भगवंता । स्पर्श तुझा झाला ।
ओंजळीत तुझ्या मला विसावा मिळाला ।। २ ।।
धन्य झालो भगवंता । दृष्टी तुझी पडता ।
कृपाकटाक्षाने तुझ्या, उद्धार माझा झाला ।। ३ ।।
रामभेटीचा आनंद आगळा ।
रामभेटीचा आनंद आगळा ।
या कलियुगातही गुरुमाऊलीने मजला दिला ।। १ ।।
रामराज्याच्या स्थापनेत । खारीचा वाटा मजला दिला ।। २ ।।
समर्पित करून घे जीवन । गुरुमाऊली राष्ट्र-धर्म कार्यासाठी ।
घडो चरणसेवा तुझी युगायुगांतरी ।। ३।।
वाटे फुलपाखरू व्हावे ।
वाटे फुलपाखरू व्हावे ।
अन् गुरुदेवांच्या करकमली विसावे ।
हितगुज मनीचे त्यांना सांगावे ।
देहभान हे हरपावे ।
अस्तित्व विसरूनी । त्यांच्यातच विलीन व्हावे ।।
– आधुनिक वैद्या (सौ.) मधुवंती पिंगळे, मंगळुरू, कर्नाटक. (१५.५.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |