रामनाथी (गोवा) येथील सनातनचा आश्रम पाहून धर्मप्रेमींनी दिलेले अभिप्राय !

सकारात्मक आभा आणि स्थूल डोळ्यांना न दिसणारे दैवी ऊर्जेचे अस्तित्व असलेला रामनाथी आश्रम !

अ. ‘आश्रम अतिशय स्वच्छ आणि अप्रतिम आहे. येथील कार्यपद्धती चांगल्या आहेत. येथील साधक शिस्तप्रिय आणि सात्त्विक आहेत.

आ. येथे सर्वत्र सकारात्मक आभा दिसून येते. ‘येथे स्थूल डोळ्यांना न दिसणारे दैवी ऊर्जेचे अस्तित्व आहे’, हे मला समजले.

इ. हा आश्रम पहाण्यासाठी अधिकाधिक लोकांनी यावे, जेणेकरून त्यांना एवढ्या सुंदर ठिकाणाची माहिती मिळेल.’

– पूजा मंगेशकर, गोवा.

सूक्ष्म-जगताविषयीचे प्रदर्शन पाहून धर्मप्रेमींनी दिलेले अभिप्राय !

१. ‘पूर्वी माझा चांगली आणि वाईट शक्ती यांवर विश्वास नव्हता; परंतु हे प्रदर्शन पहातांना मी ते प्रत्यक्ष अनुभवले.’- श्री. मंजुनाथ बसवनगौडा (प्रदेशाध्यक्ष, बजरंग सेना), मंड्या, कर्नाटक.

२. ‘सूक्ष्म-जगताविषयीचे प्रदर्शन अप्रतिम आहे. सध्याच्या काळाला याची आवश्यकता आहे. ‘सात्त्विक संगीताचा आपल्या सप्तचक्रांवर कसा परिणाम होतो’, यावर केलेले संशोधन अप्रतिम आहे.’ – श्री. तुलसीदास मंगेशकर, कांदोळी, गोवा.

३. ‘सूक्ष्म-जगताविषयीचे प्रदर्शन बोधप्रद आहे. ते प्रदर्शन पाहून मला आध्यात्मिक दृष्टीकोन, वाईट शक्ती इत्यादींविषयी शिकायला मिळाले.’

– सौ. सुजाता शेणै, दक्षिण कन्नड, कर्नाटक. (जून २०२२)