सनातनचे ११४ वे व्यष्टी संत पू. लक्ष्मण गोरेआजोबा यांच्या संतसन्मान सोहळ्याच्या वेळी ६१ टक्के आध्यात्मिक पातळीची कु. सायली देशपांडे (वय १२ वर्षे) हिला जाणवलेली सूत्रे आणि आलेल्या अनुभूती
६.१२.२०२१ या दिवशी पू. लक्ष्मण गोरेआजोबा यांच्या संतसन्मान सोहळ्याच्या वेळी उपस्थित साधकांकडून सूक्ष्मातील प्रयोग करवून घेण्यात आले. त्या वेळी, तसेच पू. लक्ष्मण गोरेआजोबांचा सन्मान होतांना कु. सायली देशपांडे हिला जाणवलेली सूत्रे आणि आलेल्या अनुभूती पुढे दिल्या आहेत.
१. सूक्ष्म प्रयोगाच्या वेळी जाणवलेली सूत्रे आणि आलेल्या अनुभूती
१ अ. प्रयोग १ – साधकांना ‘सनातन चैतन्यवाणी’ या ॲपवरील ‘ॐ नमो भगवते वासुदेवाय ।’, हा नामजप ऐकवणे
१. ‘नामजप ऐकतांना मी अत्यंत आतुरतेने आणि अंतर्मनापासून कृष्णाला आळवत आहे’, असे मला जाणवले.
२. माझे मन निर्विचार होऊन मी नामजपाशी एकाग्र झाले.
१ आ. प्रयोग २ – पांढर्‍या लखोट्याकडे पाहून काय जाणवते ?
पांढर्‍या लखोट्याकडे पाहून ‘त्यात श्रीकृष्णाचे चित्र आहे. त्यात पुष्कळ कृष्णतत्त्व आहे’, असे मला जाणवले. (प्रत्यक्षातही लखोट्यात श्रीकृष्णाचे चित्र होते.)
२. पू. लक्ष्मण गोरेआजोबांचा सन्मान करत असतांना जाणवलेली सूत्रे आणि आलेल्या अनुभूती
अ. सद्गुरु डॉ. मुकुल गाडगीळ पू. गोरेआजोबांचा सन्मान करत असतांना ‘आकाशातून सर्व देवता पुष्पवृष्टी करत आहेत’, असे मला सूक्ष्मातून दिसले.
आ. पू. आजोबांकडे पाहिल्यावर मला त्यांच्यातील बालकभाव आणि निर्मळता जाणवली.
इ. त्यांच्याकडे पाहिल्यावर मला त्यांच्यात मारुतितत्त्व जाणवून ‘ते मारुतीचे अंश असावेत’, असे वाटले. त्या वेळी मला त्यांच्यामध्ये असलेल्या क्षात्रभावाची जाणीव झाली.
ई. साधक पू. आजोबांची गुणवैशिष्ट्ये सांगत असतांना मला सतत चमेलीच्या अत्तराचा सुगंध तीव्रतेने येत होता.’
– कु. सायली देशपांडे (आध्यात्मिक पातळी ६१ टक्के, वय १२ वर्षे), सनातन आश्रम, रामनाथी, गोवा. (६.१२.२०२१)
|