(म्‍हणे) ‘विद्या हवी असेल, तर सरस्‍वतीला आणि पैसा हवा असेल, तर लक्ष्मीला पटवा !
उत्तराखंडमधील भाजपचे आमदार बंशीधर भगत यांचे संतापजनक विधान
हल्‍दानी (उत्तराखंड) – विद्या हवी असेल, तर सरस्‍वतीला पटवा, शक्‍ति हवी असेल, तर दुर्गेला पटवा आणि पैसा हवा असेल, तर लक्ष्मीला पटवा, असे विधान भाजपचे आमदार बंशीधर भगत यांनी आंतरराष्‍ट्रीय बालिका दिनाच्‍या निमित्ताने आयोजित एका कार्यक्रमात केले. या कार्यक्रमात मोठ्या संख्‍येने महिला आणि विद्यार्थिनी उपस्‍थित होत्‍या. या वेळी मंचावर उपस्‍थितांनी या विधानाला जोरात हसून दाद दिली. या कार्यक्रमाला उत्तराखंडच्‍या महिला विकासमंत्री रेखा आर्य याही उपस्‍थित होत्‍या.
“विद्या चाहिए तो सरस्वती को पटाओ, धन चाहिए तो लक्ष्मी को पटाओ”
◆ हल्द्वानी में BJP MLA बंशीधर भगत ने कल ‘अंतरराष्ट्रीय बालिका दिवस’ पर दिया विवादित बयान। #Bansidharbhagat pic.twitter.com/zqI5IMfBO0
— News24 (@news24tvchannel) October 12, 2022
भगत पुढे म्‍हणाले की, पुरुषांकडे असतेच काय ? एक शिवजी (भगवान शिव) आहेत, जे डोंगरात जाऊन पडले आहेत. त्‍यांच्‍या डोक्‍यावर साप ठेवला आहे. भगवान विष्‍णु हे खोल समुद्रात जाऊन लपले आहेत. दोघांचे एकमेकांशी बोलणेही होत नाही.
संपादकीय भूमिका
|