दहीहंडी उत्सवातील घायाळ तरुणाचे निधन !

मुंबई – दहीहंडी खेळतांना उंच थरावरून कोसळल्याने गंभीर घायाळ झालेल्या प्रथमेश सावंत (वय २० वर्षे) या तरुणाचे ८ ऑक्टोबर या दिवशी के.ई.एम्. रुग्णालयात उपचार चालू असतांना निधन झाले. प्रथमेश याच्यावर मागील एका मासापासून उपचार चालू होते. उपचारांच्या काळात त्याला न्यूमोनिया झाला होता. सकाळी हृदयविकाराचा झटका आल्याने त्याचा मृत्यू झाला. याआधी उंच थरावरून कोसळलेल्या संदेश दळवी या तरुणाचेही उपचारांच्या काळात निधन झाले होते.