हा असे गुरुज्ञानाचा सिद्धांत, मंत्रमुग्ध जाहले ब्रह्मांड ।
‘१९.१.२०२२ या दिवशी मी झोपेत असतांना देवाने मला पुढील कविता सुचवली आणि ती माझ्याकडून लिहून घेतली.
गुरुज्ञानाचा हा रथ ।
कृष्ण चालवतो डौलात, डौलात ।। धृ. ।।
समाजाच्या हितासाठी, ही ज्ञानगंगा अवतरली ।
जन्मोजन्मीच्या कल्याणासाठी,
ज्ञानगंगेचे हे रसपान करी ।। १ ।।
या जन्माचे गं हित, गुरुज्ञानातून बोध घे ।
करून घे रे जन्माचे सार्थक, गंगा आली रे तुझ्या दारात ।। २ ।।
मानवाच्या कल्याणासाठी ज्ञानमयी गंगा ।
गुरुकृपेचा महिमा जाणा, सांगतो हा विघ्नहर्ता ।। ३ ।।
चिंतामणी बैसला जिव्हेवर, अचूक मर्म सांगत ।
बुद्धीवाद्यांची बुद्धी झाली कुंठित ।। ४ ।।
साधकांच्या समवेत राहून, गुरुसेवा करतो अचूक ।
चिंतामणीचे हे रूप, गुरुसेवेचा लाभ दिला साधकास ।। ५ ।।
गुरुमहिमा असे हा थोर, शुद्धी व्हावी ब्रह्मांडात ।
हा असे गुरुज्ञानाचा सिद्धांत, मंत्रमुग्ध जाहले ब्रह्मांड ।। ६ ।।
– श्रीमती भाग्यश्री आणेकर (आध्यात्मिक पातळी ६५ टक्के, वय ६५ वर्षे), वाराणसी आश्रम (१३.२.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |