१ लाख तरुणांना रोजगार मिळणार नाही, याचे दायित्व कुणाचे ? – आमदार आदित्य ठाकरे, शिवसेना

मुंबई – वेदांत-फॉक्सकॉन प्रकल्प राज्याच्या बाहेर जाणे, हे महाराष्ट्राची मान शरमेने खाली घालणारे आहे. यामुळे १ लाख तरुणांना रोजगार मिळणार नाही. याचे दायित्व कुणाचे ?, असा प्रश्‍न शिवसेनेचे आमदार आणि युवा सेनेचे प्रमुख आदित्य ठाकरे यांनी १४ सप्टेंबर या दिवशी पत्रकार परिषदेत उपस्थित केला.

#AdityaThackeray Targets #Shinde Govt After Vedanta-Foxconn #Semiconductor Plant Project Moves To #Gujarat#VedantaFoxconn https://t.co/zc17D4Cvan

— ABP LIVE (@abplive) September 14, 2022

महाविकास आघाडीच्या काळात जानेवारी मासात या प्रकल्पाविषयी बैठक झाली होती. जून मासात आस्थापनाच्या अधिकार्‍यांसमवेत मुख्यमंत्र्यांची बैठकही झाली होती. हा रोजगार अशा प्रकारचा मोठ्या प्रकल्प अन्य राज्यांत गेला असता, तर अन्य राज्यांत मुख्यमंत्र्यांनी उद्योगमंत्र्यांचे त्यागपत्र घेतले असते, असे आदित्य ठाकरे या वेळी म्हणाले.

केंद्र सरकारच्या दबावामुळे प्रकल्प गुजरातला गेला ! – सुभाष देसाई, माजी उद्योगमंत्री

महाराष्ट्रात या प्रकल्पासाठी ३८ सहस्र कोटी रुपयांचे ‘पॅकेज’ देण्यात आले होते. हे पॅकेज ४० सहस्र कोटी रुपयांपर्यंत वाढवण्यास आम्ही सिद्ध होतो. आम्हाला मिळालेल्या माहितीनुसार गुजरातमध्ये महाराष्ट्रापेक्षा १२ सहस्र कोटी रुपयांचे ‘पॅकेज’ न्यून आहे. तरी हा प्रकल्प गुजरातमध्ये का गेला ? यावरून हा प्रकल्प गुजरातमध्ये जाणे, हा राजकीय निर्णय आहे.