पाकमध्ये पोलिओविरोधी लसीकरण पथकावरील आक्रमणात ४ पोलीस ठार
खैबर पख्तुनख्वा (पाकिस्तान) – या प्रांतात ९ सप्टेंबर या दिवशी पोलिओविरोधी लसीकरण पथकाला संरक्षण देणार्‍या पोलीस पथकावर अज्ञातांनी आक्रमण केले. यात ४ पोलीस ठार झाले, तर २ जण घायाळ झाले. येथील टँक जिल्ह्यातील गुल इमान भागात ही घटना घडली. पोलीस आणि आक्रमणकर्ते यांच्यामध्ये बराच वेळ गोळीबार चालू होता. आतापर्यंत कोणत्याही आतंकवादी संघटनेने या आक्रमणाचे दायित्व स्वीकारलेली नाही.
#Pakistan के खैबर पख्तूनख्वा प्रांत में अज्ञात हमलावरों ने पोलियो टीकाकरण टीम पर चलाई गोलियां, 4 पुलिसकर्मियों की मौत#Polio #PolioVaccinationTeam #Attack https://t.co/gQEn6sMyhH
— Times Now Navbharat (@TNNavbharat) September 10, 2022
यापूर्वीही पाकिस्तानमध्ये पोलिओविरोधी लसीकरण पथकावर आक्रमणे झाली आहेत. यावर्षी २८ जून या दिवशी उत्तर वझिरीस्तान आदिवासी जिल्ह्यात पोलिओविरोधी लसीकरण पथकावर झालेल्या आक्रमणात २ पोलिसांसह ३ जण ठार झाले होते. ३० जुलै या दिवशी पेशावरच्या दौदझई भागात लसीकरण पथकाला संरक्षण देणार्‍या एका पोलिसाला ठार करण्यात आले होते. खैबर पख्तुनख्वामध्ये १ ऑगस्ट या दिवशी पथकाचे रक्षण करणार्‍या पोलीस अधिकार्‍याची गोळ्या घालून हत्या करण्यात आली. यानंतर १५ ऑगस्ट येथे २ पोलिसांना गोळ्या घालण्यात आल्या.
पोलिओ लसीकरण पथकावर का होतात आक्रमणे ?
पाकिस्तानातील अनेक भागात लोक पोलिओविरोधी लसीकरणाच्या विरोधात आहेत. ‘पोलिओच्या लसीमुळे लोकांमध्ये वंध्यत्व येते’, असे त्यांचे म्हणणे आहे.