श्रीरामपूर (नगर) येथे ‘लव्ह जिहाद’ विरोधात हिंदुत्वनिष्ठ संघटना आक्रमक !

न्याय मागणार्‍यांना नोटिसा दिल्या जाणे चुकीचे आहे ! – सूरज आगे, माजी पोलीस अधिकारी

माजी पोलीस अधिकारी सूरज आगे म्हणाले, ‘‘श्रीरामपूर शहरात लव्ह जिहादचे प्रकार वाढत असून याला वेळीच आळा घालण्यासाठी पोलीस प्रशासनाने कठोर पावले उचलण्याची आवश्यकता आहे. शहरात एका मुलीला पळवून नेले जाते, त्यांचे कुटुंबीय पोलिसांकडे निवेदन देऊन मागणी करतात आणि त्यांना न्याय मिळत नाही; म्हणून आम्ही लोकशाही मार्गाने मोर्चा काढतो. असे केल्याने आम्हालाच उलट नोटिसा दिल्या जातात. मग लोकशाही मार्गानेही न्याय मागायचा नाही का ? अशा प्रकारे न्याय मागणार्‍यांना नोटिसा देऊन त्यांचा आवाज दाबण्याचा प्रयत्न केल्यास भविष्यात कुणी कुणाला न्याय मिळवून देण्यासाठी उभे रहाणार नाही. हे लोकशाहीच्या आणि न्यायाच्या दृष्टीने चुकीचे आहे.’’

काय आहे प्रकरण ?

या भागात अल्पवयीन विद्यार्थीनींना शाळेतून पळवून नेऊन त्यांच्याशी बळजोरीने निकाह लावण्याच्या घटना घडत आहेत. या परिसरात २५ ते ३० जणांची टोळी कार्यरत असल्याचा संशय आहे. आतापर्यंत १० हून अधिक मुलींचे अपहरण करून त्या बेपत्ता असल्याचे सांगण्यात येते. या मुलींचे धर्मांतर करून त्यांना वेश्या व्यवसाय करण्यासाठी पाठवले जात असल्याचा आरोप केला जात आहे. या प्रकरणात एका पोलीस अधिकार्‍यांनाही निलंबित केले आहे.

संपादकीय भूमिका

• ‘लव्ह जिहाद’च्या विरोधात मोठ्या प्रमाणात मोर्चा निघणे, हे हिंदू जागृत होत असल्याचे द्योतक !

• ‘लव्ह जिहाद’ची समस्या आतंकवादी आक्रमणापेक्षाही गंभीर बनत आहे. त्यामुळे या प्रकरणातील आरोपींना लवकरात लवकर शोधून शिक्षा होणे आवश्यक आहे !

• हिंदु धर्माच्या मुळाशी उठलेल्या षड्यंत्राच्या लक्षावधी घटना घडूनही आज त्यावर आळा घालण्यासाठी राष्ट्रीय स्तरावर कायदा येऊ शकलेला नाही, हे दुर्दैवी आहे. सरकारने या प्रकरणाचे सखोल अन्वेषण करून सत्य जनतेसमोर आणावे !