मुला-मुलींना वर्गात एकत्र बसवल्याने अराजकता निर्माण होते ! – केरळचे हिंदुत्वनिष्ठ नेते वेल्लापेल्ली नटेसन्
![](https://static.sanatanprabhat.org/wp-content/uploads/sites/3/2022/08/29194537/Vellappally-Natesan-kerala.jpg)
कोची (केरळ) – केरळच्या साम्यवादी सरकारने मुले आणि मुली असे दोघांनाही एकच गणवेश आणि वर्गांत एकत्र बसवणे यांविषयी बनवलेले धोरण पूर्णपणे अन्यायकारक आहे. मुला-मुलींना वर्गात एकत्र बसवणे भारतीय संस्कृतीच्या विरोधात आहे आणि यामुळे अराजकता निर्माण होते, असे वक्तव्य केरळच्या ‘हिंदु एझावा समुदा’याचे नेते वेल्लापेल्ली नटेसन् यांनी प्रसारमाध्यमांशी बोलतांना केले. ते म्हणाले, ‘‘आपली स्वत:ची संस्कृती आहे. आपण अमेरिका किंवा इंग्लंड येथे रहात नाही. आपली संस्कृती मुला-मुलींना मिठी मारणे आणि एकत्र बसणे स्वीकारत नाही. ख्रिस्ती आणि मुसलमान शैक्षणिक संस्थांमध्ये हे होतांना दिसत नाही. ’’
Girls, boys sitting together in classes against Indian culture: Kerala leader #VellappallyNatesanhttps://t.co/RsvHXARxCB
— India TV (@indiatvnews) August 29, 2022
श्री. नटेसन पुढे म्हणाले की, बहुतेक हिंदु महाविद्यालयांमध्ये अशी व्यवस्था पहायला मिळते. स्वत:ला धर्मनिरपेक्ष सरकार म्हणवणारे साम्यवादी सरकार धार्मिक दबावाला बळी पडत आहे आणि आपल्या निर्णयांवर ठाम रहात नाही, हे दुर्दैवी आहे.