अंबाजोगाई ग्रामीण पोलीस ठाण्याचे पोलीस निरीक्षक वासुदेव मोरे निलंबित !

मुंबई – अवैध मद्यविक्रीला पाठीशी घातल्याच्या प्रकरणी अंबाजोगाई ग्रामीण पोलीस ठाण्याचे पोलीस निरीक्षक वासुदेव मोरे यांना शासनाने निलंबित केले. १८ ऑगस्ट या दिवशी भाजपच्या आमदार नमिता मुंदडा यांनी विधानसभेत लक्षवेधी सूचनेद्वारे पोलिसांच्या सहकार्याने बीड जिल्ह्यातील अंबाजोगाई येथे गुटखा, मटका, जुगार, तसेच मद्यविक्री यांचे अवैध धंदे चालू असल्याचा गंभीर आरोप केला. या प्रकरणाचे गांभीर्य लक्षात घेऊन वासुदेव मोरे यांच्या निलंबनासह कारवाई करण्यात अकार्यक्षम ठरल्याप्रकरणी पोलीस उपअधीक्षक सुनील जायबाय यांचे अकार्यकारी पदावर स्थानांतर करण्याची घोषणाही गृहमंत्री देवेंद्र फडणवीस यांनी केली.

PI suspended, Action on DySP.
अवैध दारूचे प्रकार अजिबात सहन केले जाणार नाहीत.
जेथे-जेथे गैरप्रकार होतील, तेथे कठोर कारवाई करू!
अंबाजोगाई येथील घटनेसंदर्भात पोलिस निरीक्षक निलंबन आणि पोलिस उपअधीक्षकाची अकार्यकारी पदावर बदली करण्याचे निर्देश !
(विधानसभा, लक्षवेधी । 18 ऑगस्ट 2022) pic.twitter.com/Ei6hEy2XNA

— Devendra Fadnavis (@Dev_Fadnavis) August 18, 2022