कलियुगामध्ये श्रीकृष्णाने निर्मिल्या दीपालीसारख्या गोपी ।
पू. दीपाली मतकर यांचा २८.१०.२०२१ या दिवशी संतसन्मान सोहळा झाला. त्या निमित्ताने आधुनिक वैद्या (डॉ.) शिल्पा कोठावळे यांना सुचलेले काव्य येथे दिले आहे.
कलियुगामध्ये श्रीकृष्णाने निर्मिल्या गोपी ।
त्यांच्यामधील एक आहे ‘गुरुदेवांची दीपाली’ ।। १ ।।
लहानपणापासून तिचे जीवन होते खडतर ।
प्रत्येक अडचणीच्या वेळी तिने केला ‘देवाचा जागर’ ।। २ ।।
निर्भयता, तळमळ, देवावरची श्रद्धा अन् भक्ती ।
अशा दैवी गुणांची आहे तिची ख्याती ।। ३ ।।
अशी ही सुंदर गोपी एकदा पडली आजारी ।
तीव्र त्रास होऊन मृत्यूच्या दारापर्यंत पोचली ।। ४ ।।
केवळ तिच्या भक्तीमुळे देवाने तिला वाचवले ।
संतांच्या आशीर्वादाने तिला या संकटातून सोडवले ।। ५ ।।
देव तिला म्हणाला, ‘अगं, मी किती तुझी वाट पाहिली’ ।
अजून पुष्कळ सेवा आहेत, हिंदु राष्ट्र निर्मितीसाठी ।। ६ ।।
या गोपीने घेतला गुरुदेवांचा (टीप) ज्ञानरूपी वसा ।
सज्ज झाली चालवण्यासाठी गुरुदेवांचा वारसा ।। ७ ।।
आमची ही लाडकी गोपी झाली संत ।
कोटीशः कृतज्ञता गुरुदेवा, तुमची कृपा आहे अनंत ।। ८ ।।
टीप – परात्पर गुरु डॉ. आठवले यांचा
– आधुनिक वैद्या (श्रीमती) शिल्पा कोठावळे (आध्यात्मिक पातळी ६१ टक्के), कोल्हापूर (२८.१०.२०२१)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |