वरिष्ठ विद्यार्थी कनिष्ठ विद्यार्थ्यांच्या कानाखाली मारत होते !

(वॉर्डन म्हणजे व्यवस्था पहाणारा आणि शिस्त राखणारा अधिकारी)

रतलाम (मध्यप्रदेश) – येथील शासकीय वैद्यकीय महाविद्यालयाच्या वसतीगृहात  वरिष्ठ विद्यार्थ्यांनी कनिष्ठ विद्यार्थ्यांचे ‘रॅगिंग’ केल्याची घटना समोर आली आहे. या घटनेचा एक व्हिडिओ सामाजिक माध्यमांतून प्रसारित झाला आहे. यात वरिष्ठ विद्यार्थी कनिष्ठ विद्यार्थ्यांना कानाखाली मारत असल्याचे दिसत आहे. ही घटना २ दिवसांपूर्वीची असल्याचे सांगितले जात आहे. ज्या वेळी ही माहिती वसतीगृहाचे ‘वॉर्डन’ डॉ. अनुराग जैन यांना समजली, तेव्हा ते तेथे पोचले; मात्र काही विद्यार्थ्यांनी जैन यांच्यावरच दारूच्या बाटल्या फेकून आक्रमण केले. यात ते थोडक्याच बचावले. यानंतर महाविद्यालयाच्या शिस्त समितीकडून कारवाई चालू करण्यात आली आहे. याविषयी महाविद्यालयाच्या व्यवस्थापनाकडून कोणतीही माहिती देण्यात आलेली नाही.

#MP ragging horror: Backs against wall, seniors slap students in #RatlamMedicalCollege in shocking #viralvideo https://t.co/wJEjmh89YG

— DNA (@dna) July 31, 2022

या वैद्यकीय महाविद्यालयामध्ये यापूर्वीही ‘रॅगिंग’ची घटना घडल्याचे समोर आले होते. या प्रकरणी काही विद्यार्थ्यांना ७ दिवसांसाठी निलंबित करण्यात आले होते; मात्र त्यानंतरही येथील विद्यार्थ्यांना शिस्त लागलेली नाही, असे आताच्या घटनेतून लक्षात येते.