सातार्‍यातील स्थळांना असणारी इंग्रज अधिकार्‍यांची नावे पालटण्याची मागणी

सातारा, ३० जुलै (वार्ता.) – महाबळेश्वर तालुक्यातील पर्यटनस्थळांना असलेली इंग्रज अधिकार्‍यांची नावे पालटून क्रांतीकारकांची नावे देण्यात यावीत, अशी मागणी हिंदु एकता आंदोलन आणि भाजप यांच्या वतीने करण्यात आली आहे. (अशी मागणी का करावी लागते ? – संपादक) याविषयीचे लेखी निवेदन महाबळेश्वर येथील तहसीलदार सुषमा चौधरी-पाटील यांना देण्यात आले. या वेळी हिंदु एकता आंदोलनचे जिल्हाध्यक्ष तथा भाजपचे प्रदेश सचिव विक्रम पावसकर, भाजपचे प्रदेश सदस्य भरत पाटील आणि कार्यकर्ते उपस्थित होते.