हिजाब परिधान करता येण्यासाठी कर्नाटकात चालू होणार मुसलमानांची खासगी महाविद्यालये !

१३ नवीन महाविद्यालये उघडण्यासाठी अर्ज

बेंगळुरू – कर्नाटकात विधानसभा निवडणुकीपूर्वी हिजाबचा वाद पुन्हा एकदा चिघळवण्याचा प्रयत्न केला जात आहे. राज्याच्या दक्षिणेकडील जिल्ह्यांतील मुसलमान संघटनांनी राज्यात १३ नवीन खासगी महाविद्यालये उघडण्यासाठी अर्ज केला आहे. या महाविद्यालयांमध्ये हिजाबवर बंदी घालण्यात येणार नाही. राज्यातील सर्व सरकारी शैक्षणिक संस्थांमध्ये हिजाबवर बंदी आहे.

First in Karnataka: Mysuru college cancels uniform rule to allow hijabs

A historical private college in Mysuru city cancelled its uniform rule on Friday to allow Muslim students to attend classes with the hijab.https://t.co/0pp8es3Hqp

— The Times Of India (@timesofindia) February 19, 2022

कर्नाटकात मागील काँग्रेस सरकारने सरकारी शैक्षणिक संस्थांसाठी पोशाख (ड्रेस कोड) अनिवार्य केला होता. खासगी शाळांना त्यांचा स्वतःचा पेहराव ठरवण्याचे स्वातंत्र्य आहे. आता सरकारी शाळा आणि महाविद्यालये यांमध्ये धार्मिक चिन्हांवर बंदी घालण्यात आली असली, तरी हिजाबला अनुमती द्यायची कि नाही ?, हे खासगी शिक्षणसंस्थांवर अवलंबून आहे. त्यामुळे मुसलमान संघटनांनी स्वतःची महाविद्यालये उघडण्याचा निर्णय घेतला आहे.

शिक्षण विभागातील एका वरिष्ठ अधिकार्‍याने सांगितले की, गेल्या ५ वर्षांत मुसलमान संघटनांनी महाविद्यालय उघडण्यासाठी एकही अर्ज केला नव्हता. अर्जदारांनी महाविद्यालय उघडण्यासाठी सर्व निकष पूर्ण केले, तर त्यांना मान्यता मिळू शकते.