महागाईमुळे जगभरातील ७ कोटी लोक गरीब होणार ! – आंतरराष्ट्रीय नाणेनिधीची चेतावणी

नवी दिल्ली – सध्या सर्वत्रच महागाई वाढल्याने जगभरातील अनेक देश त्रस्त आहेत. या महागाईमुळे जगातील अनुमाने ७ कोटी लोक गरीब होणार असल्याची चेतावणी ‘आंतरराष्ट्रीय नाणेनिधी’ (आय.एम्.एफ्.) या संस्थेने दिली आहे.

१. ‘आंतरराष्ट्रीय नाणेनिधी’च्या प्रमुख क्रिस्टिलिना जिर्योजिएवा यांनी वाढत्या महागाईविषयी गंभीर चिंता व्यक्त केली आहे. जगभरात महागाईचा दर सध्या सर्वोच्च पातळीवर पोचला आहे. त्याचवेळी रशिया आणि युक्रेन यांमध्ये चालू असलेल्या युद्धामुळे त्यात आणखी वाढ झाली आहे. बहुतांश गरीब देशांना ५ टक्क्यांपेक्षा अधिक महागाईचा सामना करावा लागत आहे. येत्या काही दिवसांत महागाईची स्थिती आणखी बिकट होऊ शकते. यामुळे अनेक देशांत सामाजिक स्तरावर अस्थिरता निर्माण होऊ शकते, अशी भीतीही त्यांनी व्यक्त केली आहे.

२. आशियाई विकास बँकेने वाढत्या महागाईच्या कारणामुळे भारताचा विकासदराचा अंदाज अल्प झाला आहे. या बँकेने आर्थिक वर्ष २०२२-२३ साठी भारताचा विकास दर अल्प करत ७.२ टक्के केला आहे. यापूर्वी हा विकासदर ७.५ टक्के ठेवला होता. आर्थिक मंदीच्या भीतीमुळे सध्या जगभरात बड्या आस्थापनांनी नोकरभरती थांबवली आहे.

कोरोना महामारी ने दुनिया भर की अर्थव्यवस्थाओं के लिए मुश्किल हालात पैदा किया, अब दुनिया महंगाई की मार से परेशान है https://t.co/CviNpdTCNq

— AajTak (@aajtak) July 21, 2022