लागला जिवाला आनंदाचा छंद ।
आनंद इथे आनंद ।
आनंद असा आनंद ।
आनंद अनंत अनंत ।
करी सुख-दुःखाचा अंत ।। १ ।।
हा जीव असे गं शिव ।
हा शिव असे गं नाद ।
हा सत्शक्तीचा साद ।
या हृदयात अनाहत नाद ।। २ ।।
पर्जन्याच्या पडती धारा ।
गार गार हा पहाट वारा । मातीला सुटला गंध ।
लागला जिवाला आनंदाचा छंद ।। ३ ।।
आनंद इथे, आनंद तिथे । आनंद भेटतो जिथे-तिथे ।।
घट भरला गं आनंदाने । एकही स्थान न दिसे रिते ।। ४ ।।
सगुणाची गं रूपे अनेक । सर्वांमध्ये निर्गुण एक ।
निर्गुण दिसतो ठायी ठायी । आनंदाला उधाण येई ।। ५ ।।
– सौ. शालिनी प्रकाश मराठे (आध्यात्मिक पातळी ६७ टक्के, वय ७४ वर्षे), सनातन आश्रम, रामनाथी, गोवा.
(२२.५.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |