हे काँग्रेसचे आतंकवादविरोधी धोरण आहे का ? – भाजप

काँग्रेसच्या सत्ताकाळात पाकच्या पत्रकाराने भारत सरकारची गोपनीय माहिती ‘आयएस्आय’ला पुरवल्याचे प्रकरण

चारित्र्यहननाचा प्रयत्न ! – काँग्रेस

नवी देहली – भारताचे तत्कालीन उपराष्ट्रपती हामिद अन्सारी यांच्या आमंत्रणावरून मी भारताचे दौरे केले. त्या वेळी मला अनेक गोपनीय कागदपत्रे पहायला मिळाली. ही सर्व माहिती मी पाकिस्तानची गुप्तचर यंत्रणा ‘आयएस्आय’ला दिल्याचा दावा पाकिस्तानातील पत्रकार नुसरत मिर्झा याने काही दिवसांपूर्वी केल्याने तत्कालीन उपराष्ट्रपती हामिद अन्सारी वादाच्या भोवर्‍यात सापडले आहेत. भाजपने ‘या प्रश्‍नावर अन्सारी आणि काँग्रेस यांनी खुलासा करावा’, अशी मागणी केली आहे.

#BJP spokesperson Gaurav Bhatia cited purported claims of the Pakistani journalist, Nusrat Mirza, to allege that former vice president Hamid Ansari shared many “sensitive and highly classified” information with him.https://t.co/zcVmtS6GhK

— The New Indian Express (@NewIndianXpress) July 13, 2022

‘तुम्ही देशाचा विश्‍वासघात कसा करता ? सोनिया गांधी, राहुल गांधी आणि हामिद अन्सारी यांनी समोर येऊन यावर खुलासा करायला हवा. एखादी व्यक्ती गोपनीय माहिती आयएस्आयला देत असतांना त्यालाच भारतभेटीचे निमंत्रण देण्यात येते, हे काँग्रेसचे आतंकवादविरोधी धोरण आहे का ?’, असे प्रश्‍न भाजपचे प्रवक्ते गौरव भाटिया यांनी उपस्थित केले.

काँग्रेसने भाजपच्या सर्व आरोपांचा निषेध केला असून ‘चारित्र्यहननाचा हा सर्वांत वाईट प्रकार आहे’, असे वक्तव्य काँग्रेसचे सरचिटणीस जयराम रमेश यांनी केले आहे.