झारखंडमध्ये मुसलमान आयएएस् अधिकार्‍याकडून आयआयटी विद्यार्थिनीसमवेत अश्‍लील कृत्य : पोलिसांनी घेतले कह्यात !

खुंटी (झारखंड) – उपविभागीय दंडाधिकारी (एस्डीएम्) सैयद रियाझ अहमद यांनी हिमाचल प्रदेशातील ‘आयआयटी’मधून ‘इंटर्नशिप’साठी येथे आलेल्या एका विद्यार्थिनीशी त्यांच्या निवासस्थानी विनयभंग आणि गैरवर्तन केल्याच्या आरोपाखाली त्यांना कह्यात घेण्यात आले आहे. याप्रकरणी त्यांची चौकशी केली जात आहे. या अधिकार्‍याने २ जुलै या दिवशी पीडितेचे चुंबन घेतले आणि त्यांच्या रहात्या घरात तिच्यासमवेत असभ्य वर्तन केले.

‘इंटर्नशिप कार्यक्रमा’निमित्त खुंटी येथे आलेल्या ‘आयआयटी’च्या विद्यार्थ्यांना आय.ए.एस्. अधिकारी रियाझ अहमद यांनी १ जुलैच्या रात्री त्यांच्या अधिकृत निवासस्थानी एका मेजवानीसाठी आमंत्रित केले होते. ही मेजवानी रात्रभर चालली. जेव्हा ही विद्यार्थिनी तिच्या सहकारी विद्यार्थ्यांसमवेत २ जुलैला सकाळी निघणार होती, त्याचवेळी संधी साधून रियाझ अहमद यांनी तिच्यासमवेत अश्‍लील कृत्य केले.