गेल्या ६ मासांत बांगलादेशातील ७९ हिंदूंची हत्या ! – हिंदु महाजोत

हिंदु महिलांवर बलात्कार, मंदिरांवर आक्रमणे, हिंदूंचे पलायन !

ढाका (बांगलादेश) – बांगलादेशात वर्ष २०२२ मध्ये ३० जूनपर्यंत ७९ हिंदूंची मुसलमानांकडून हत्या झाल्याची माहिती ‘बांगलादेश जातिया हिंदु महाजोत’ने (‘बांगलादेश नॅशनल हिंदु ग्रँड अलायन्स’ने) केला आहे. नसरुल हमीद सभागृहात घेण्यात आलेल्या पत्रकार परिषदेत हिंदु महाजोतच्या वतीने ही माहिती देण्यात आली. या वेळी हिंदु महाजोतचे कार्याध्यक्ष दीनबंधू रॉय, उपाध्यक्ष प्रदीपकुमार पाल, मुख्य संयोजक विजय कृष्ण भट्टाचार्य आदी पदाधिकारी उपस्थित होते.

१. या संघटनेचे सरचिटणीस गोविंदा चंद्र प्रामाणिक यांनी दावा केला की, आणखी ६२० लोकांना जिवे मारण्याची धमकी देण्यात आली होती, १४५ जणांना ठार मारण्याचा प्रयत्न करण्यात आला होता, १७३ घायाळ झाले आणि ३२ बेपत्ता आहेत. १ जानेवारी ते ३० जून २०२२ या कालावधीत हिंदूंच्या २६ कोटी २ लाख ३० सहस्र रुपयांच्या मालमत्तेची लुटमार करण्यात आली. यात १५७ कुटुंबे आणि मंदिरे यांचा समावेश आहे.

२. ‘ही माहिती कशाच्या आधारे प्रसिद्ध केली जात आहे’, असे विचारले असता गोविंदा चंद्र प्रामाणिक यांनी ‘बंगाली ट्रिब्युन’ दैनिकाच्या प्रतिनिधीला सांगितले की, ‘बांगलादेश नॅशनल हिंदु ग्रँड अलायन्स’चा स्वतःचा ‘रिसर्च सेल’ (संशोधन शाखा) आहे. देशभरात आमची समिती कार्यरत आहे; त्यांच्या माध्यमांतून ही माहिती मिळते. आम्ही देशभरातील माहिती प्रसिद्ध करत आहोत.

३. बांगलादेश जातिया हिंदु महाजोतने राष्ट्रीय संसदेत ७० आरक्षित जागांची मागणी केली आहे. तसेच हिंसा आणि अत्याचार रोखण्यासाठी स्वतंत्र निवडणूक प्रणालीची पुनर्स्थापना करण्याची मागणी केली. ‘लोकशाही अर्थपूर्ण करण्यासाठी आम्हाला प्रतिनिधित्व मिळायला हवे, तसेच अल्पसंख्यांक मंत्रालयाचे हिंदूंसाठी स्वतंत्र मंत्रालय स्थापन करावे’, अशी मागणीही संघटनेने केली आहे.

४. या पत्रकार परिषदेत पुढे सांगण्यात आले की, देशात प्रतिदिन कुठे ना कुठे हृदयद्रावक घटना घडत आहेत. छळामुळे अस्वस्थ झालेल्या हिंदूंची अवस्था दयनीय आहे. हिंदु शिक्षकांना शैक्षणिक संस्थांमधून हाकलून देण्याची रणनीती बनली आहे. देशात हिंसाचार दिवसेंदिवस वाढत आहे. पोलीस आणि प्रशासन यांच्या उपस्थितीत हिंदु शिक्षकाच्या गळ्यात चपला बांधून त्यांचा छळ केला जात असल्याच्या घटना दिवसाढवळ्या घडत आहेत. ढाका, नारायणगंज, गोपालगंज, नरेल, सावर आदी ठिकाणी हिंदूंवरील अत्याचाराच्या एकामागून एक घटना न थांबता घडत आहेत.

बांग्लादेश जाति हिंदू मोहजोत की रिपोर्ट के अनुसार इस साल के पहले छह महीने में 468 हिंदू घरों में तोड़फोड़ और लूटपाट की गई। 95 हिंदुओं को बीफ खाने के लिए मजबूर किया गया।https://t.co/rYk3M5GFXL

— Panchjanya (@epanchjanya) July 3, 2022