(म्हणे) ‘तुला अधिक दिवस जगू देणार नाही !’

हिंदु सेनेचे अध्यक्ष आणि भाजपचे माजी नेते हेही जिहादी आतंकवाद्यांचे लक्ष्य !

• भाजपचे देहलीतील माजी माध्यम प्रमुख नवीनकुमार जिंदाल, तसेच हिंदु सेनेचे देहली विभागाचे अध्यक्ष दीपक मलिक यांनाही जिहादी आतंकवाद्यांकडून शिरच्छेद करून ठार मारण्याच्या धमक्या मिळत आहेत. त्यांनी पोलिसांत यासंदर्भात तक्रारी प्रविष्ट केल्या आहेत.
• भाजपचे तत्कालीन नेते नवीनकुमार जिंदाल यांनी महंमद पैगंबर यांच्या विरोधात कथित आक्षेपार्ह विधान केल्याप्रकरणी पक्षाने त्यांना बडतर्फ केले आहे. दुसरीकडे दीपक मलिक यांच्या नेतृत्वाखाली हिंदु सेनेने २० जून या दिवशी नूपुर शर्मा आणि नवीनकुमार जिंदाल यांच्या समर्थनार्थ देहलीत हनुमान चालिसाच्या पठणाचा कार्यक्रम आयोजित केला होता.
• मलिक यांनी पोलिसांकडे २२ भ्रमणभाष क्रमांकांची एक सूचीच दिली असून ‘मला या क्रमांकांवरून वारंवार जिवे मारण्याच्या आणि अपशब्द बोलण्याचे दूरभाष येत आहेत’, असे ते म्हणाले. यांमधील काही क्रमांक हे पाकिस्तानचेही आहेत.

संपादकीय भूमिका

• ‘जिहादी आतंकवाद्यांकडून हिंदुत्वनिष्ठ नेत्यांना जिवे मारण्याच्या धमक्या मिळणे’, या परिस्थितीलाही आता नूपुर शर्मा यांनाच उत्तरदायी ठरवायचे का ?

• बहुसंख्य हिंदूंच्याच देशात त्यांच्या हितांसाठी कार्य करणार्‍या हिंदुत्वनिष्ठ नेत्यांना मारण्याच्या धमक्या मिळणे, हे हिंदूंसाठी लज्जास्पद ! ही परिस्थिती हिंदु राष्ट्राची स्थापना अपरिहार्य करते !

• जर हिंदु नेत्यांच्या जिविताला धोका निर्माण होत असेल, तर सर्वसामान्य हिंदु जनतेची काय स्थिती असेल, याची कल्पनाही करता येणार नाही !

• अभिव्यक्ती तसेच विचार स्वातंत्र्य यांचा उदोउदो करणारे धर्मनिरपेक्षतावादी आणि पुरो(अधो)गामी आता मात्र गप्प आहेत. हिंदूंनो, अशा हिंदुविघातक दुटप्पीपणाच्या विरोधात आता एकसंधपणे उभे रहाण्याची आवश्यकता आहे, हे जाणा !