अभिनेते संजय दत्त कपाळावर टिळा आणि शेंडी ठेवलेल्या खलनायकाच्या भूमिकेत !

मुंबई – ‘शमशेरा’ या हिंदी चित्रपटाचा ‘टीजर’ (संक्षिप्त स्वरूपातील विज्ञापन) प्रदर्शित करण्यात आला आहे. यामध्ये अभिनेते संजय दत्त यांना एक खलनायक म्हणून दाखवण्यात आले आहे. त्यांचे नाव ‘शुद्ध सिंह’ असल्याचे दिसत आहे. या भूमिकेत त्यांचे रूप एका ब्राह्मण व्यक्तीसारखे आहे. कपाळावर चंदनाचा टिळा आणि शेंडी ठेवण्यात आल्याचे अन् हातात चाबूक असल्याचे दिसत आहे. या रूपावरून या चित्रपटाच्या निर्मात्याचा सामाजिक माध्यमांतून विरोध केला जात आहे.

१. ट्विटरवरून अनेकांनी याविषयी प्रतिक्रिया व्यक्त करणार्‍या ट्वीट्स केल्या आहेत. यात एकाने म्हटले आहे की, संजय दत्त एखाद्या खलनायकाची भूमिका करत आहेत. यातून असे वाटते की, हिंदी चित्रपटसृष्टीचा ‘हिंदूंचा द्वेष करणारा चेहरा’ पुन्हा पुढे येत आहे.

२. दुसर्‍या एकाने ट्वीटमध्ये केले आहे की, यापूर्वीही मी म्हणत आलो आहे की, ‘जाणीवपूर्वक धोरण ठरवून काढण्यात आलेल्या चित्रपटांमध्ये नेहमीच टिळा लावणारा खलनायक असतो !’