गौहत्ती (आसाम) येथे शिवसेनेचे आमदार रहात असलेल्या हॉटेलबाहेर तृणमूल काँग्रेसचे आंदोलन

गौहत्ती (आसाम) – महाराष्ट्रातील राजकीय पेच हा आसाममधील गौहत्तीपर्यंत पोचला आहे. एकनाथ शिंदे हे शिवसेनेच्या आमदारांसह येथील ‘रॅडिसन ब्लू हॉटेल’मध्ये थांबले आहेत. याविरोधात तृणमूल काँग्रेसकडून हॉटेलबाहेर आंदोलन करण्यात आले.

‘राज्यात पूर आल्याने लोकांचा जीव जात असतांना महाराष्ट्रातील लोकांचे आदरातिथ्य केले जात आहे. केंद्राकडून पूरग्रस्तांसाठी एक रुपयाचेही साहाय्य अद्याप मिळालेले नाही; मात्र भाजप आमदारांची विक्री करण्यात व्यग्र आहे’, अशी टीका तृणमूलच्या नेत्यांकडून करण्यात आली.