उत्तरप्रदेशात मुसलमान शिक्षकाने महिला आणि मुलगी यांच्यावर केलेल्या आक्रमणात महिला ठार

शहाजानपूर (उत्तरप्रदेश) – येथील रामचंद्र मिशन पोलीस ठाण्याच्या अंतर्गत येणार्‍या पुट्टू लाल क्रॉसिंग परिसरात महिला व तिची मुलगी घरात प्रार्थना करत असतांना दाऊद नामक शिक्षकाने घरात घुसून धारदार शस्त्राने त्यांच्यावर आक्रमण केले. त्यात ४५ वर्षीय महिला ठार झाली, तर मुलगी गंभीर घायाळ झाली आहे.

पोलिसांनी वृत्तसंस्थेला माहिती देतांना सांगितले की, घटना घडल्यावर पोलीस तात्काळ घटनास्थळी पोचले. पोलिसांनी महिला आणि तिची मुलगी यांना रुग्णालयात भरती केले. तेथे महिलेला मृत घोषित करण्यात आले, तर मुलीची स्थिती गंभीर असल्याचे सांगण्यात आले. आक्रमण करणारा दाऊद फरार झाला आहे. ‘दाऊद हा माझ्या मुलीला सतत भ्रमणभाष करण्यास सांगत होता. त्यासाठी तो सतत दबाव आणत होता; मात्र मुलीने त्याला भ्रमणभाष केला नाही’, अशी माहिती मुलीच्या वडिलांनी पत्रकारांना दिली.