ईडीच्या विरोधात काँग्रेसच्या मंत्र्यांसह कार्यकर्त्यांचा मोर्चा !

मुंबई – काँग्रेसचे नेते राहुल गांधी यांच्या विरोधात अंमलबजावणी संचालनालयाने (ईडीने) केलेल्या कारवाईच्या विरोधात काँग्रेसच्या मंत्र्यांसह कार्यकर्त्यांनी ईडीच्या कार्यालयावर मोर्चा नेला. काँग्रेसचे प्रदेशाध्यक्ष नाना पटोले यांच्या नेतृत्वात हा मोर्चा काढण्यात आला. या पार्श्वभूमीवर कडक पोलीस बंदोबस्त ठेवण्यात आला होता. महसूलमंत्री बाळासाहेब थोरात यांच्यासह अन्य नेतेही मोर्च्यात सहभागी झाले होते.