‘पत्नीपीडित पुरुष आघाडी’च्या वतीने पिंपळपौर्णिमा साजरी !

संभाजीनगर – येथील वाळूंज परिसरामधील पत्नीपीडित पुरुषांनी पिंपळपौर्णिमा साजरी केली. १४ जून या दिवशी वटपौर्णिमा साजरी केली जाणार असतांनाच वाळूंजमध्ये पत्नीपीडित पुरुषांनी ‘७ जन्म काय ७ सेकंदही ही पत्नी नको’, असे म्हणत पिंपळाला १०८ उलट्या फेर्‍या मारल्या. वर्ष २०१२ मध्ये स्थापन झालेल्या ‘पत्नीपीडित पुरुष आघाडी’ नावाच्या संस्थेच्या माध्यमातून हा कार्यक्रम करण्यात आला.

अनेक वर्षांपासून जे पुरुष पत्नीपासून पीडित आहेत. आपल्याला कुणीही साहाय्य करत नाही. त्यामुळेच अशा पद्धतीच्या प्रतिकात्मक आंदोलनाच्या माध्यमातून हे पुरुष आपले म्हणणे समाजासमोर मांडण्याचा प्रयत्न करत आहेत. पुरुषांच्या न्याय्य आणि हक्कासाठी लढणारी एकमेव संघटना अशी ओळख या संस्थेच्या वतीने सांगितली जाते.