भारतात ‘लघू कोरोना लाट’ येण्याची शक्यता ! – जागतिक आरोग्य संघटना

नवी देहली – भारतात गेल्या काही दिवसांपासून कोरोनाच्या रुग्णसंख्येत लक्षणीय वाढ होत आहे. यातच जागतिक आरोग्य संघटनेच्या मुख्य वैज्ञानिक डॉ. सौम्या स्वामीनाथन् यांनी दावा केला आहे कि, भारतात काही ठिकाणी कोरोनाच्या ‘ओमिक्रॉन सबव्हेरिअंट (उपप्रकार) बीए.४ आणि बीए.५’ वेगाने पसरत असल्याने हा ‘लघू (मिनी) कोरोना लाटे’चा आरंभ ठरू शकतो. देशात ९ जून या दिवशी ७ सहस्रांहून अधिक रुग्ण आढळून आले आहेत. असेही होऊ शकते की, प्रत्येक ४-६ मासांच्या अंतराने ‘लघू कोरोना लाट’ पहायला मिळू शकते, असेही डॉ. स्वामीनाथन् यांनी सांगितले.