लाच स्वीकारतांना बारामती (पुणे) येथील हवालदार आणि होमगार्ड यांना अटक !

पुणे – अटक नोटिसीमध्ये (वॉरंट) अटक न करण्यासाठी आरोपीकडून लाच स्वीकारतांना बारामती शहर पोलीस ठाण्यातील हवालदार अण्णासाहेब उगले आणि होमगार्ड सनी गावडे या दोघांना अटक करण्यात आली आहे. यातील उगले यांनी तक्रारदारास अटक न करण्यासाठी १ सहस्र रुपयांची लाच मागितली होती; परंतु तडजोडीअंती ८०० रुपये देण्याचे ठरले होते. यासंबंधी तक्रारदाराने लाचलुचपत प्रतिबंधक विभागाकडे तक्रार केली होती.