कल्याणमध्ये कपड्यांच्या दुकानांतून ३२ सहस्र रुपयांच्या कपड्यांची चोरी !

महिलांची टोळी सक्रीय !

ठाणे, १५ मे (वार्ता.) – कल्याण येथील बाजारपेठ परिसरातील दुकानांमध्ये दुकानदाराला नवीन कपडे दाखवण्यात गुंतवून ठेवून महिलांच्या एका टोळीने कपडे चोरले. त्यांनी ३२ सहस्र रुपयांचे कपडे चोरल्याचे समोर आले आहे. (गुन्हेगारीत आता महिलाही पुढे ! हे राज्याला लज्जास्पदच होय ! – संपादक)

दुकानातील सीसीटीव्हीमध्ये हा प्रकार कैद झाला आहे. दुकानदाराच्या तक्रारीवरून पोलिसांनी चित्रीकरण पडताळून महिलांचा शोध चालू केला आहे. काही दिवसांपूर्वी उल्हासनगरमधील कपड्यांच्या दुकानातही अशीच चोरी झाली होती.