किनवट (जिल्हा नांदेड) येथे अल्पवयीन बालिकेवर अत्याचार केल्याप्रकरणी डॉक्टरला अटक !

नांदेड – किनवट येथील एका १४ वर्षीय अल्पवयीन मुलीवर लैंगिक अत्याचार करून तिला गर्भवती केल्याप्रकरणी किनवट पोलिसांनी खासगी आधुनिक वैद्य विकास सुंकरवार (वय ४३ वर्षे) याला ७ मे या दिवशी अटक केली. ८ मे या दिवशी त्याला न्यायालयाने १२ मेपर्यंत पोलीस कोठडी दिली आहे. आधुनिक वैद्य विकास सुंकरवार यांच्या दवाखान्यात काम करण्यासाठी ही बालिका येत असे. ४ दिवसांपूर्वी तिला पोटात त्रास होत असल्याने तिच्या कुटुंबियांनी तिला रुग्णालयात नेले. त्या वेळी तेथील आधुनिक वैद्यांनी पडताळणी केली असता ती ४ मासांची गर्भवती असल्याचे निदर्शनास आले. उपचाराच्या वेळी तिचा गर्भपात झाला.