बंदीवानाच्या पत्नीकडून २ जिवंत काडतुसांसह गावठी पिस्तूल जप्त !

परभणी जिल्हा कारागृहातील प्रकार !

परभणी – परभणी जिल्हा कारागृहातील बंदीवान पतीला भेटण्यासाठी आलेल्या पत्नीकडून पोलिसांनी २ जिवंत काडतुसांसह गावठी पिस्तूल जप्त केले आहे. स्थानिक गुन्हे अन्वेषण शाखेच्या पथकाने ४ मे या दिवशी ही कारवाई केली.

परभणी जिल्हा कारागृहात बंदीवान सनीदेवल काळे याला भेटण्यासाठी त्याची पत्नी आली होती. पोलीस कर्मचाऱ्यांनी पत्नीची झडती घेतल्यावर तिच्याकडील पिशवीमध्ये एका रुमालामध्ये गुंडाळून ठेवलेले गावठी पिस्तूल (कट्टा) आणि दोन जिवंत काडतुसे आढळली. हे पिस्तूल पतीचे असल्याचे तिने सांगितले. पोलिसांनी ते साहित्य जप्त केले असून या प्रकरणी गुन्हा नोंदवण्यात आला आहे.