गाठीभेटी ।

दुःखे माझी सोडत नव्हते पाठ ।
देवालाच दया आली म्हणून ।
देवानेच घातली माझी त्याच्याशीच गाठ ।
आणि सांगितले नामजपाचा करा परिपाठ ।। १ ।।

सोडवल्या कृपाळू देवाने ।
जन्मोजन्मीच्या नात्यांच्या गाठी ।
आणि झाल्या केवळ साधक ।
अन् देवाशीच गाठीभेटी ।। २ ।।

या जन्मात भेटला माझा जन्मोजन्मीचा सखा ।
आणि झाला आमचा पाठीराखा ।
परंतु आपल्यात आहेत ‘अहं’च्या गाठी ।
किती आणि कशाच्या अनेक गाठी ।। ३ ।।

जणू आहेत कर्करोगाच्याच गाठी ।
काही कापल्यावर, तर काही काढून टाकल्यावर जातात ।
काही मात्र काढल्या, तरी पुनःपुन्हा येतात ।
काही तर केवळ गुरुकृपेनेच जातात ।। ४ ।।

दयाळू, कृपाळू देव त्यावरही प्रक्रियेचा (टीप) ।
उपाय करून, प्रेमाने घालवायला लावतो ।
आणि काहींचे शस्त्रकर्म करतो ।
अहंच्या जाळ्यातून मुक्त करतो ।। ५ ।।

गुरुकृपाच ती ही अनुभवायला देऊन ।
ओळख देतो करुणानिधी, दयेचा सागर ।
कृपावंत, भगवंत कृपेचा वर्षाव करतो ।
अशा परात्पर गुरु डॉक्टरांच्या चरणी कोटीशः कृतज्ञता ।। ६ ।।

टीप : स्वभावदोष अन् अहं यांच्या निर्मूलनाची प्रक्रिया

– श्रीमती जयश्री मुळे (वय ७४ वर्षे), सनातन आश्रम, रामनाथी, गोवा. (२४.२.२०२०)