मंत्रीमंडळाच्या बैठकीत पेट्रोलच्या किमती अल्प करण्याची चर्चा नाही ! – बाळासाहेब थोरात, मंत्री

मुंबई – राज्याच्या मंत्रीमंडळाच्या बैठकीत पेट्रोलच्या किमती अल्प करण्याविषयी कोणतीही चर्चा झाली नाही, अशी माहिती राज्याचे मंत्री बाळासाहेब थोरात यांनी २८ एप्रिल या दिवशी दिली. ‘पेट्रोल आणि डिझेल यांवरील कराचे सूत्र उपस्थित करून राज्य सरकारमुळे पेट्रोल-डिझेल यांचे दर चढेच राहिले आहेत’, असा आरोप पंतप्रधान नरेंद्र मोदी यांनी केला होता. राज्यातील पेट्रोलवरील कर (व्हॅट) अल्प करून नागरिकांना दिलासा देण्याचा प्रयत्न राज्य सरकारकडून केला जाणार असल्याची चर्चा होती; मात्र प्रत्यक्षात यावर कोणतीही चर्चा झाली नाही.