जम्मूमध्ये २ आतंकवादी ठार, तर १ सैनिक वीरगतीला प्राप्त !
जम्मू – येथील भिठंडी भागात जिहादी आतंकवादी आणि सुरक्षादल यांच्यात झालेल्या चकमकीत २ आतंकवाद्यांना ठार करण्यात आले, तर १ सैनिक वीरगतीला प्राप्त झाला. या चकमकीत ८ सैनिक घायाळ झाले. सध्या येथे खबरदारीचा उपाय म्हणून इंटरनेट सेवा बंद करण्यात आली आहे.
(सौजन्य : India Today)
या चकमकीच्या एक दिवस आधी बारामुल्ला येथे ४ आतंकवाद्यांना चकमकीत ठार करण्यात आले होते. येत्या २४ एप्रिलला पंतप्रधान नरेंद्र मोदी काश्मीरच्या दौर्‍यावर येणार आहेत. त्या पार्श्‍वभूमीवर आतंकवादी घातपात करण्याच्या सिद्धतेत आहेत, हे या चकमकींतून लक्षात आले आहे.