सत्तेत आलो, तर सार्वजनिक ठिकाणी हिजाब घालणार्‍यांकडून दंड वसूल करू !
फ्रान्समधील राष्ट्रपती पदाच्या उमदेवार मरीन ली पेन यांचे आश्‍वासन !
|
पॅरिस (फ्रान्स) – जर सत्तेत आलो, तर सार्वजनिक ठिकाणी हिजाब (मुसलमान महिलांचे डोके आणि मान झाकण्याचे वस्त्र) घालणार्‍यांकडून दंड वसूल केला जाईल, असे आश्‍वासन फ्रान्सच्या राष्ट्रपती पदाच्या उमेदवार मरीन ली पेन यांनी दिले आहे. येत्या १० एप्रिलला राष्ट्रपती पदाच्या निवडणुकीचा पहिला टप्पा होणार आहे.
French presidential candidate @MLP_officiel proposes nationwide hijab ban #JustTheNews https://t.co/B6nHHXizVu
— Just the News (@JustTheNews) January 30, 2021
फ्रान्समध्ये सध्या सार्वजनिक ठिकाणी बुरखा घालण्यावर बंदी आहे. तसेच शाळांमध्ये धार्मिक प्रतीके वापरण्यावरही बंदी आहे. ‘जर असा नियम आणला गेला, तर न्यायालयात त्याला आव्हान देण्यात येईल,’ असे सूत्र उपस्थित करण्यात आल्यावर पेन म्हणाल्या की, यापासून वाचण्यासाठी या विषयावर देशात जनमत संग्रह केला जाईल.