बिहारमध्ये पोलिसांच्या मारहाणीत एक तरुणाचा मृत्यू झाल्याने संतप्त गावकर्यांनी पोलीस ठाणे पेटवले !
एका पोलिसाचा मृत्यू
|
पाटलीपुत्र (बिहार) – बिहार राज्यातील पश्चिम चंपारण जिल्ह्यातील बलथर पोलीस ठाण्यातील पोलिसांनी डिजे (मोठी ध्वनीक्षेपक यंत्रणा) लावल्यावरून अनिरुद्ध यादव या तरुणाला पकडून नेले होते. या तरुणाला पोलीस ठाण्यात नेऊन प्रचंड मारहाण करण्यात आली. यात त्याचा मृत्यू झाल्यानंतर स्थानिक गावकर्यांनी पोलीस ठाण्यावर आक्रमण करून तोडफोड केली आणि त्याला आग लावली. पोलिसांच्या ३ गाड्याही जाळण्यात आल्या. तसेच पळून जाणार्या पोलिसांचा पाठलाग करून त्यांना पकडून चोपले. यात हिंसाचारात एका पोलिसाचा मृत्यू झाला. ही घटना १९ मार्चच्या दिवशी घडली. गावकर्यांनी मृत तरुणाचा मृतदेह येथील बलधर चौकात ठेवून आंदोलनही केले.
बिहार: कस्टडी में मौत पर बेतिया में बवाल, थाने में आगजनी, तोड़फोड़, पुलिसकर्मी ने तोड़ा दम, कई घायल https://t.co/TUPpgBgCsM via @NavbharatTimes
— NBT Hindi News (@NavbharatTimes) March 19, 2022
येथील पोलीस अधीक्षक उपेंद्रनाथ वर्मा यांनी दावा केला की, पोलिसांनी पकडून आणलेल्या अनियुद्ध यादव याचा मृत्यू मधमाशांनी चावा घेतल्याने झाला.