सातारा येथे अल्पवयीन मुलीवरील अत्याचाराच्या प्रकरणी युवकासह त्याच्या वडिलांवर ‘पोक्सो’अंतर्गत गुन्हा नोंद !

सातारा, ५ मार्च (वार्ता.) – २ मासांपूर्वी एका अल्पवयीन मुलीवर अत्याचार झाल्याची तक्रार लोणंद पोलीस ठाण्यात प्रविष्ट करण्यात आली होती. या तक्रारीवरून युवकासह त्याच्या वडिलांवर पोक्सो कायद्यांतर्गत गुन्हा नोंद करण्यात आला आहे.

९ जानेवारी या दिवशी खंडाळा तालुक्यातील एका गावातील एक १२ वर्षांची मुलगी दुकानात चालली होती. त्या वेळी त्याच गावातील एका युवकाने तिला मंदिरात बोलावून तिच्यावर अत्याचार केला, तसेच ‘ही गोष्ट कुणाला सांगितलीस, तर तुला आणि तुझ्या कुटुंबियांना जिवे मारून टाकीन’, अशी धमकी दिली. ही घटना घडली त्याच दिवशी संबंधित तरुणाच्या वडिलांनी पीडित मुलीला ‘माझ्या मुलाशी लग्न कर, अन्यथा तुझ्या कुटुंबातील सर्वांना मारून टाकीन’, अशी धमकी दिली.