मराठा आरक्षणासाठी कोल्हापुरात रस्ता बंद आंदोलन !

कोल्हापूर, २८  फेब्रुवारी (वार्ता.) – मुंबई येथे छत्रपती संभाजीराजे यांनी मराठा आरक्षणासाठी चालू केलेल्या आंदोलनास पाठिंबा देण्यासाठी कोल्हापूर शहरात दसरा चौक आणि रंकाळा बसस्थानक परिसर येथे २८ फेब्रुवारी या दिवशी रस्ता बंद आंदोलन करण्यात आले. या आंदोलनामुळे वाहतुकीची कोंडी झाली आणि वाहनधारकांना अडचणींना सामोरे जावे लागले. या प्रसंगी ‘एक मराठा लाख मराठा’, ‘छत्रपती संभाजीराजेंच्या मागण्या मान्य झाल्याच पाहिजेत’, ‘आरक्षण आमच्या हक्काचे’ अशा घोषणा देण्यात आल्या. या मागणीला ‘चेंबर ऑफ कॉमर्स’ने पाठिंबा दर्शवला आहे.