कोरोनामुळे शिवनेरीवरील ‘शिवजन्मोत्सव’ साध्या पद्धतीने साजरा होणार !

पुणे – कोरोनाच्या संसर्गामुळे यंदाचा शिवनेरी किल्ल्यावरील शिवजन्मोत्सव हा कोरोनाच्या नियमांचे पालन करत साध्या पद्धतीने साजरा करण्यात येईल. या शिवजन्मोत्सवाला शिवनेरीवर मोजके नेते, लोकप्रतिनिधी आणि वरिष्ठ अधिकारी उपस्थित रहाणार आहेत. मुख्यमंत्री उद्धव ठाकरे यांची प्रकृती ठिक नसल्यामुळे ते उपस्थित रहाणार नाहीत, अशी माहिती उपमुख्यमंत्री अजित पवार यांनी पत्रकारांशी बोलतांना दिली.

राजशिष्टाचारानुसार उपमुख्यमंत्री अजित पवार, राजशिष्टाचार आणि पर्यावरण मंत्री आदित्य ठाकरे, स्थानिक आमदार अतुल बेनके, जिल्हा परिषद अध्यक्षा निर्मला पानसरे आदींची प्रमुख उपस्थिती असणार आहे.